Kompania EZ-Crete, një prodhues amerikan i strukturave të parafabrikuara prej betoni, po kërkon një Inxhinier/e të Lartë Strukturor me eksperiencë për të bashkëpunuar ngushtë me klientët dhe për të menaxhuar procesin teknik të porosive të personalizuara. Roli përfshin punë direkte me klientët për mbledhjen e kërkesave, krijimin e modeleve 3D në Revit, përgatitjen e dokumentacionit teknik dhe optimizimin e dizajnit për prodhim efikas.

Detyrat dhe përgjegjësitë:

• Projektimi dhe analiza e strukturave të parafabrikuara (për ndërtesa, ura etj.).
• Përdorimi i programeve CAD, veçanërisht Revit, për krijimin e modeleve 3D dhe dosjeve teknike për prodhim (STEP files).
• Përzgjedhja e materialeve në përputhje me kërkesat teknike dhe efikasitetin e kostos.
• Llogaritja e ngarkesave dhe stresit të strukturave.
• Vlerësimi i integritetit strukturor të objekteve ekzistuese dhe dhënia e rekomandimeve teknike.
• Sigurimi që projektet përmbushin kodet dhe standardet amerikane të ndërtimit.
• Mbledhja e kërkesave për porosi të personalizuara dhe ndjekja e procesit për dokumentim.
• Bashkëpunimi me arkitektë, kontraktorë dhe ekipe inxhinierike.
• Planifikimi, drejtimi dhe monitorimi i projekteve nga fillimi deri në dorëzim.
• Menaxhimi i rreziqeve, buxhetit, cilësisë dhe komunikimit me palët e interesuara.

Kualifikimet:

• Diplomë universitare në inxhinieri ndërtimi ose strukturor.
• Eksperiencë e avancuar me Revit, CAD dhe mjete të tjera të analizës strukturore.
• Njohuri shumë të mira të kodeve amerikane të ndërtimit.
• Aftësi të shkëlqyera analitike, organizative dhe për zgjidhjen e problemeve.
• Eksperiencë në drejtimin e projekteve dhe menaxhimin e ekipeve.
• Aftësi të shkëlqyera komunikimi në formë të shkruar dhe të folur (anglisht).
• Aftësi për të punuar në mënyrë të pavarur dhe në ekip.
• Njohuri të menaxhimit financiar dhe përgatitjes së buxheteve.

Çfarë ofrojmë:

• Kontratë pune e rregullt, sipas legjislacionit shqiptar.
• Pagesë konkurruese dhe trajnim profesional të paguar.
• Fundjavë pushim (e shtunë dhe e diel).
• Drekë falas në restorantet tona partnere.
• Të gjitha festat zyrtare të paguara, sipas Kodit të Punës.
• Ambient pune i strukturuar dhe me potencial për zhvillim.
• Trajnim i vazhdueshëm dhe përditësim mbi teknologjitë më të fundit