EZ-CRETE, një kompani lider në SHBA në industrinë e prodhimit të betonit të parapërgatitur (precast concrete), është në kërkim të një Junior/Associate Accountant, me fokus në inventar dhe transaksionet e lidhura me blerjet, për t’iu bashkuar ekipit tonë në Tiranë.
Ky rol është ideal për një person që dëshiron të zhvillojë aftësi në kontabilitetin operacional, veçanërisht në ndjekjen e fazave të inventarit, duke bashkëpunuar dhe koordinuar detyrat e përditshme me ekipet e brendshme për të siguruar që zinxhiri i furnizimit me lëndë të parë të jetë i sinkronizuar dhe të përmbushë nevojat e prodhimit.
Gjithashtu, do të mbështesni operacionet tona duke monitoruar dhe mirëmbajtur nivelet e stokut, duke asistuar në aktivitetet e përditshme të blerjes, si dhe duke mbajtur të sakta regjistrimet e inventarit, përfshirë dokumentacionin dhe analizën e diferencave kur është e nevojshme.
Çfarë do të bëni:
Do të punoni ngushtë me ekipin e operacioneve dhe të financës për të:
- Procesuar ndërtimin e artikujve (Item Builds) dhe për të verifikuar kostot e sakta të prodhimit.
- Monitoruar Bill of Materials (BOM) dhe për të siguruar që ndërtimi i artikujve të reflektojë vlerën e saktë.
- Monitoruar dhe ndjekur nivelet e inventarit për të mbështetur nevojat e prodhimit.
- Lëshuar dhe ndjekur me saktësi porositë e blerjes (Purchase Orders) dhe pranimet e artikujve në baza ditore.
- Ndjekur vazhdimisht furnitorët për afatet e dorëzimit.
- Marrë pjesë në kontrollin e cilësisë dhe sasisë së inventarit për të garantuar standardet e kompanisë.
- Përgatitur dhe analizuar rakordimet e inventarit, bazuar në kontrollimet ciklike të përditshme.
Çfarë kërkojmë:
- Diplomë (ose në vitin e fundit) në Financë, Biznes, Ekonomi ose Supply Chain.
- Njohuri të mira në Excel dhe Microsoft Office.
- Vëmendje e lartë ndaj detajeve dhe aftësi të mira organizative.
- Interes për proceset e inventarit, prokurimit dhe zinxhirit të furnizimit.
- Aftësi komunikimi në gjuhën angleze.
- Disponibilitet orari 14:00 – 22:30.
Çfarë ju ofrojmë:
- Kontratë pune e rregullt, sipas legjislacionit shqiptar.
- Pagesë konkurruese dhe trajnim profesional të paguar.
- Fundjavë pushim (e shtunë dhe e diel).
- Drekë falas në restorantet tona partnere.
- Të gjitha festat zyrtare të paguara, sipas Kodit të Punës.
Ky rol kërkon profesionalizëm, saktësi dhe aftësi bashkëpunimi për të garantuar efikasitet dhe vazhdimësi në zinxhirin e furnizimit.
